Et war déi éischt Kéier, dass ech an engem Film matgemaach hun an dat well ech mol eng Kéier wollt gesinn, wéi dat bei deenen Professionellen ofleeft. Ech war total begeeschtert zumools wou ech an a puer verschiddenen Statisterollen konnt matwierken, als Jeeër, als Matttäter bei engem Mord, als Keelespiller, als Kiirchegänger, als Gaascht op engem bayreschen Fest an als Musikant.

Den Projet war eng mega Erfahrung! Och wann een heiansdo huet missen waarden, war et wierklech interessant ze gesin wei dat hannert der Kamera ausgesäit!

Ech freen mech wann den Film gewisen get, et war fir mech ganz interressant do matzemaachen, mir waren eng gut Equipe, merci fir dei schein momenter. De Marcel Berens

De Film "Gutland" war meng éischt Erfahrung mam Film... eng immens flott Erfahrung mat sympatischen Schauspiller a Laienschauspiller rondrëm eng professionnelle Crew mat dem Réalisateur Govinda van Maele.

Heimat wollt ech der ganzer Equipe ronderëm den Nilton an d'Osanna villmols MERCI soën. Si maachen dat formidabel, an et ass ëmmer erëm flott mat hinnen beim Film als Statist matzemaachen. :) Ech konnt wonnerbar Erfahrunge sammelen, vill léif Leit kenneléieren, a verstinn och elo waat e Film maachen fir eng Arbecht kascht a wou Jiddereen a vollem Asatz matschafft dat en e Succès gët. Weiderhin vill Erfolleg an ech géif mech freeën, nach oft kénne matzemaachen!